طريقة البط المحشى على الطريقة المصرية

طريقة عمل البط المحشي
على الطريقة المصرية

التحضير

يدعك البط جيدا بالدقيق والملح ويترك نصف ساعة

ثم يغسل جيدا ويترك قليلا ليصفى من الماء

ثم يدعك من الداخل بنصف ليمونة لكى تزول منه اى رائحة غير مستحبة

ويرش من الداخل بقليل من الملح والفلفل

خلطة الحشو

فى هذه الأثناء نحضر خلطة الحشو وهى

2 كوب من الفريك على الأقل حسب حجم البطة

يغسل الفريك ثم يحمر فى ملعقة من السمن حتى يصير لونه ذهبيا

بصلة كبيرة مفرومة ومدعوكة بالملح والفلفل تضاف للفريك بعد ان يبرد

نضع الفريك بداخل البط ونترك مسافة قبضة اليد فارغة لحساب تمدد الفريك

ثم نقوم بخياطة الجزء السفلى من البطة حتى لايخرج

الفريك من البطة

واذا كان هناك مجال لحشو الرقبة أيضا تُحشى

واذا كان جلد الرقبة مقطوع فلن نستطيع حشوها

ولكنها تخيط أيضا مثل الجزء السفلي

ويفضل ان نكتف البط بعد ذلك بالدوبار الخاص بالطهي حتي لا تتفتح

يسلق البط لمدة ساعتين تقريبا وايضا هذا يتوقف على حجم ونوع البط

لأن بعض أنواع البط تنضج بسرعة

بعد النضج نتركها تجف ثم نحمرها في السمن ان كانت صغيرة

وان كانت كبيرة ولا نستطيع تحميرها بالسمن

يمكننا دهنها بصلصة الطماطم مع السمن ونضعها تحت الشواية في الفرن لعدة دقائق

ثم تتبل بالملح والفلفل

ثم نزيل الخيط الذى اغلقنا به البطة

نقدمها مع الفريك ... وبالهنـــــــــا والشفــــا

أنت ممتازة واضح أنى هتعلم منك كثير جدا شكرا

اهلا بحضرتك دايما انت منورانا كتير
واحنا مبسوطين بوجودك معانا

الله الله علي البط يا غادة
وحشني جدااااااااااااااااااا
طريقة البط المحشى على الطريقة المصرية Icon_rolleyes

انا بكره انزل مواضيع البط والحمام دى علشان انت بتصعبى على قووووى
بس غصب يارب الواحد بيحن للحاجة اللى محروم منها هاهاهههههههههه
معلهش مش لوحدك
بس مؤخرا عرفت ان الامارات فيها حمام وبط طازة بس نادر جدا لما بينزل

فى امل انشاءلله

طب عقبال الكويت هنا بقي يبقي فيها
هو كان فيه من مدة حمام وبط في سوق الطيور بس برضه بصعوبة تلاقي حاجة كويسة
و من ساعة موضوع انفلونزا الطيور و مبمقاش فيه خالص
بس انا باجيب معايا شوية من مصر علشان الحرمان

أنا عملت البط بطريقتك وكان جميل جدا أتفضلى معانا

صحتين وعافية

أنت مصرية أنت ومجموعة الخدام أيضا مصريين ولا...........

كلنا مصريين وفينا صعايدة واسكندرانية وشبراوية وعلى كل لون

أنا متشكرة أنك جاوبتى على سؤالى علشان أنا حبتكم كثير وعايزة أتعرف عليكم ولفت نظرى الأمارات والكويت فحبيت أعرف وعلى فكرة أنا صعدية وسكنة فى شبرا وبخدم فى أمبابة وشكرا

احنا كمان مبسوطين اوي بوجودك معانا
ربنا معاكي و يبارك حياتك

اهلا بيك ptr اعتبرى المنتدى ده بيتك الثانى واحنا اسرتك التانية
واحنا كمان بنحبك جدا وبنحب جودك فى وسطينا
منورانا دايما يا سكر

» بالصور طريقة عمل البط المشوي بالفرن
» البصل المحشى
» °l||l° ( الديك المحشى ) °l||l°
» الدجاج المحشى . من المطبخ التركى
» على البخار لفائف صدور البط