اسطوانة كتب ومقالات قداسة البابا شنودة

اسطوانه حلوة وجميلة جدا جدا

ميرسى يا دينامو امنتدى النشيط على هذه الاسطوانة الرائعة
ربنا يعوضك

عندى سؤال:
هو مش تحميل الإسطوانة دى ضد تعاليم سيدنا البابا ، لأنى بأشعر اننا بنسرق مجهود اللى قام بتصميمها وتعبه فى تجميع موادها ... بصراحة أنا مش عارف ده صح ولا غلط يا جماعة موضوع تحميل الأفلام والمواد اللى تعبوا فيها غيرنا .... ولو أخدناها حاسس ان بركة ربنا لا تتفاعل مع مستخدميها اللى حملوها من الموقع
آسف ... سامحونى .. بس انا متعود على الصراحة معاكم ... واهى فضفضة

ارجو الرد

جميله قوي يا غاده..بس عايزه منك طلب..ياريت اذا عندك اسطوانه لقداسه البابا اللي فيها حوار مع الله اللي بتيجي علي قناه اغابي او سي تي في بالموسيقي..مش ضروري فيديو..كفايه الصوت..مطلوبه مني ومش عارفه اجيبها من علي النت

عزيزي ميشيل..يمكن ماليش الحق في الرد علي سؤالك لاني مش من الادمن في المنتدي..لكن بستسمح الجميع اني اقول وجهه نظري في الموضوع ده..انت يمكن عندك حق في كلامك و صدقني انا كمان فكرت فيه في يوم من الايام..لكن لقيت ان كل حاجه تمجد اسم الرب و تقربنا منه مهمه جدا..وحتكلم عن نفسي..انا واحده من الناس مش بفكر كتير انزل و ادور علي مقالات و افلام و ترانيم اللي اغذي بيها حياتي الروحيه مع الله..الدنيا و الشغل و البيت و الاولاد تقدر تقول واخدين معظم وقتي..لكن لما دخلت المنتدي و انضميت ليه..حسيت ان ربنا بيقولي انا هنا..تعالي و احضري و شوفي و اسمعي و عيشي معايا شويه..بنزل الاقلام و العظات و اتفرج عليها و كمان ولادي..وبنستفاد و بنقرب من ربنا.وبنقرب غيرنا كمان..اصحابنا و اهلنا..المهم بالنسبالي مايكونش فيه استفاده ماديه..فقط روحيه للجميع...وكمان غيري مش عنده امكانات ماديه ينزل يشتري الحاجات دي و يستفاد بيها..ومن خلال المنتدي يقدر يعيش الحياه دي مع الله...ده غير كمان ان ولادنا في المنتدي بينزلوا حاجات رائعه صدقني ما كنت اعرف عنها اي حاجه. شكلي طولت في الكلام..لكن الخلاصه ان الاستفاده الروحيه حي الاساس في المنتدي هنا و بعيده عن الماديات اللي ممكن تزعل الله مننا. و حسيب التعليق لشبابنا بقه و هم يردوا علي سؤالك بالتفصيل. و لك تحياتي.الرب يباركك