mifa20014 قلب المنتدى الطيب
عدد الرسائل : 31565 العمر : 52 تاريخ التسجيل : 08/05/2007
| موضوع: الصورة لسه ماكملتش ! الثلاثاء 11 أكتوبر 2011 - 15:59 | |
| | |
|
mifa20014 قلب المنتدى الطيب
عدد الرسائل : 31565 العمر : 52 تاريخ التسجيل : 08/05/2007
| موضوع: رد: الصورة لسه ماكملتش ! الثلاثاء 11 أكتوبر 2011 - 16:12 | |
| الصورة لسه ماكملتش !!
ظلم وظلام ودم أحمر سايل علي أرض مصر والصورة لسّه مكملتش!!!
دم الشهيد بيصرخ لله،والجاني واقف بيضحك،والصورة لسّه مكملتش!!!
والصحفي لوّن قلمه بدم الشهيد ،وزيّف وزوّر الحقيقة،وطلّع الضحية مذنب، والدم لسّه علي انياب الجاني،والصورة لسّه مكملتش!!
الجيش الهُمام هجم علي الحِملان ،وداسهم وإلتهم عظامهم، وشرب وإرتوي من دمّهم ،وسكر وترنّح من قتلهم،والصورة لسّه مكملتش!!!
قهقه الشيطان وإنتشي من فرحته ،وداس الكنيسة ودمّرها وحرقها ،وجيشه فرحان بنصرته علي الأطفال والرضّع ،والصورة لسّه مكملتش!!!
والقبطي خارج بصدره العاري يواجه فرعون وجليات وهامان ،ومعاه إسم إلهه ومش هايب من جبروتك ياجليات ومش خايف،والصورة لسّه مكملتش!!!
سخرتَ ياجليات من وداعته ومن نقاوته ،وضحكت علي النبلة اللي في إيده،وأهنتَ إسم إلهه،والصورة لسّه مكملتش!!!
وقرّبت منّه لتفترسه ومعاك سيفك وجيشك ،وهو ما إستسلمشي ومتراجعش ،أشهرت سيفك زي كل مرّة عشان ترتوي بدمّه ،والصورة لسّه مكملتش!!!
والقبطي بحجر صغير ميقتلش حشرة ،رماها عليك وهي مغموسة بدم أبيه وأمّه ،وأحشاء إبنه وبنته وعظام أخيه وأخته ،فأصاب الحجر رأسك وخرج دم الشهداء من جوفك،والصورة لسّه مكملتش!!!
إنتهي ياجليات جبروتك ،وجيشك هيصيبه اللي صابك ،والصورة لسّه مكملتش!!! وهتشوف بعينك الشهدا اللي ذبحتهم وهم علي كراسي المجد في السماء،يدينوا ظلمك وبطشك ،وهم بيسبّحوا وبيرنّموا ويهلّلوا فإلههم كمّل الصورة اللي كانت لسّه مكملتش!!!
سريعاً ستكتمل الصورة وتفرح ياشهيد بإلهك اللي جمّل الصورة وكمّلها بدمّه ودمّك وخلاّك ما تحزنش.
بقلم : ابونا افرايم ميخائيل
| |
|