كيكة بالكاسترد

كيكة بالكاسترد

مقادير الكيك

5 بيضات
كوب سكر
2 كوب دقيق
1/ 3 كوب لبن
1/ 4 كوب زبدة
ملعقة صغيرة بيكنج بودر
2 ملعقة كبيرة كاكاو
رشة فانيليا

مقادير الكاسترد

كوب لبن
1/ 4 كوب سكر
2 ملعقة كبيرة نشا
3 صفار بيض
رشة فانيليا

الطريقة:
1- أوّل حاجة جهزي الكاسترد؛ وده بإنك تسخني اللبن على نار متوسطة وحطي الفانيليا، وقلبيه لحد ما يغلي، وبعدين ارفعيه من على النار وسيبيه يبرد.

2- اضربي صفار البيض مع السكر بالمضرب الكهربائي كويس لحد ما السكر يدوب.

3- بعد ما اللبن يبرد صبّيه على خليط البيض، وبعدين حطي النشا، وقلبيهم كويس علشان النشا تدوب والخليط يبقى قوامه سميك، ولو حاسة إن الخليط فيه كتل ممكن تصفيه في مصفاة ناعمة.

4- بعد كده اعملي الكيك؛ هتجيبي السكر والزبدة، وتضربيهم بالمضرب الكهربائي كويس لحد ما يشكّلوا قوام كريمي.

5- استمري في خفق الخليط، وحطي البيض تدريجيا واحدة واحدة، وبعدين حطّي الفانيليا.

6- اخلطي الدقيق مع البيكنج بودر، وضيفيهم على الخليط تدريجيا، وبعدين حطي اللبن، واضربيهم كويس لحد ما المكونات تتجانس مع بعض.

7- جهزي الصينية بإنك تدهنيها زبدة وترشّيها بالدقيق، وبعدين صبي فيها خليط الكيكة، وصبّي عليها الكاسترد اللي جهزتيه، وممكن بملعقة صغيرة تعملي تداخل ما بين الكيكة والكاسترد في بعض الأجزاء علشان يعملوا شكل حلو.

8- دخّلي الصينية في الفرن لمدة 35 دقيقة، وبعد ما تخرج سيبيها تبرد، وبعدين قطّعيها وقدميها.. بالهنا والشفا.