طريق عمل البيكاتا بالمشروم

salam madamme ghada...el wasfa fe3lan haila...ana garabtaha w tel3et teganen...min fadlek 3andy so2al keda...hal feh taree2a ne3'sel beha el la7ma aw el fera7' 3alashan el re7a el mish kowaiesa temshy???merci kteer l ta3ab ma7abetek

وصفة لذيذة اوي يا غادة...مرسي جدا

و اهلا و سهلا بيكي يا مارو منورة المنتدي

بصي بالنسبة للفراخ تغسليها كويس بالمية (و فيه ناس بيغسلوها كمان بشوية صابون سائل) و تتنظف من جوه لحد ما الدم يمشي منها و بعد كده تغسليها بشوية دقيق و ممكن ملح و تسبيها شوية و بعد كده تشطفيها و اهم حاجة و انتي بتسلقي اللحمة او الفراخ انك تحطيها في مية الاول و تسبيها تغلي حوالي 10 دقايق و بعدين تغيري المية دي علشان لو فيه اي ميكروبات او ريحة تروح
يارب اكون قدرت افيدك هي دي الطريقة اللي انا اعرفها لتنظيف الفراخ
لكن اللحمة هي طريقة السلق و تغيير المية دي
يارب اكون قدرت افيدك و ياريت لو فيه اي حد عنده معلومة احسن يقولها لنا

أحب أكلة بالنسبة ليا سواء فى أكلها أو اعدادها
بحب اعملها بجد فى الشغل وبتنال اعجاب زمايلى خالص
خصوصا بقى مع شوية رز أبيض يبقى يا سلام عليها

لسه من شوية بأمانة زميلى عاملها وكنت جنبه فقاللى طبعا عينك هتطلع عليها وانت مش قادر تلمسها

اهلا بيك يا مارو منورانا خالص يا حبيبتى
بالنسبة لسؤالك زى ما قالت ميفا .....

انا شخصيا فى البيت بالنسبة للفراخ بالذات ... الاول اغسلها كويس بالدقيق واشطفها كويس بالميه
وبعدين اغسلها تانى بالملح واشطفها مرة تانية بالمية
والطريقة دى بتشيل اى زفارة للفراخ

وبعدين اول ما بتحطى اللحمة او الفراخ فى الحلة فى اول 5 دقائق تبقى واقفة جنب الحلة لانها بتعمل (ريمة) بتطلع على الوش دى تقشطيها فورا بالمعلقة ... لانك لو مالحقتيهاش هاترسب فى قعر الحلة من تحت .

ميرسى حبيبة قلبى غادة لمرورك الجميل منورانا يا قمر


ميرسى اسامة لمرورك الجميل ومعلهش كلها ايام وتاكل بيكاتا بالمشروم تانى وتغيظهم هاهاهههههههه


منورين اصدقائى الغاليين

merci kteer madamme ghada n mifa...bgad ana bastafeed keteer min el nasaie7 bta3etkom..god blesses

منورة يا مارو و نتمني نشوفكم علي طول معانا

ربنا معاكي و يبارك حياتك

على فكرة في طريقة للبيكاتا بالمشروم تانية

المقادير
كيلو لحم بفتيك مقطع قطع سميكة نوعا ما عن الالسمك التقليدي للبفتيك
علبة كبيرة كريمة لباني ( تباع بالسوبر ماركت)
علبة مشروم كبيرة
زبدة
كوب لبن وملعقتين دقيق
ملح وفلفل

الطريقة

تتبل قطع البفتيك بالملح والفلفل وتحمر في الزبد في صينية كبيرة وعند الاحمرار ترفع في طبق خارجي
يوضع المشروم مكان تحمير البفتيك ويطرق على النار قليلا ( يضاف المشروم بالماء الموجود في العلبة)
يضاف بعد ذلك الكريمة على المشروم وتترك تغلي قليلا حتة تكتسب اللون الغامق
تضاف اللحم وتررك لمدة 10 او 15 دقيقة وقبل الانتهاء يضاف كوب اللبن مضاف اليه ملعقتين من الدقيق ويترك لمدة دقيقة يغلي

بالهنا والشفا

مرسي جدا علي الاضافة الحلوة يا رورومارو

المنتدي منور بيكي و نفسنا نشوفك علي طول و نشوف مشاركاتك الجميلة

اقتباس :

merci kteer madamme ghada n mifa...bgad ana bastafeed keteer min el nasaie7 bta3etkom..god blesses

ميرسى حبيبتى مارو لمرورك الجميل واحنا كمان مبسوطين بيك قوى

اقتباس :

على فكرة في طريقة للبيكاتا بالمشروم تانية

ميرسى رورومارو للطريقة الجميلة اللى كتبتيها
بنبسط قوى لما بحس ان فى ستات واقفين معانا فى المطبخ علشان كلنا نستفاد من خبرات بعض

المطبخ نور بيكم اصدقائنا الغاليين