عفوا
[center]الدعوة مش منى ولا لأى حد!!!!!؟
الدعوة من المسيح ذاته ولاولاده بس
احبائى
لو تعرفوا اننا اغلبنا فى نعمة
وامكانيات كويسة بالنسبة للخدمة
هتفهموا قصدى دلوقتى بعد القصة ديه
ايفا
اسمها ايفا
هى بنت من حى شعبى و ابوها تاجر كبير وغنى وما لوش اى علاقة بالكنيسة حياته شغل وجمع فلوس وبس
وهى بتشتغل فى شركة ابوها وامها متوفية وهى وحيدة ابوها
المهم
الكنيسة اللى فى الحى بتاعها فقيرة والناس على قد حالهم
وفى مرة ابونا فى القداس قال: يا جماعة يا ريت لو حد ممكن يجيب الاطفال الصغرين من المناطق القريبة
يقوم بالخدمة ديه
ايفا حست ساعتها ان ربنا استجاب لطلبها لانها دايما تقول: قولى يا رب اخدم فين؟؟وازاى؟؟
وحاست ان هى ديه خدمتها
وبسرعة راحت لابوبنا
ايفا: قدس ابونا عاوزة اخد بركة الخدمة ديه
ابونا: ربنا يعوض تعب محبتك
بس يا ريت تأهليى نفسك للخدمة
ايفا: ازى؟
ابونا: اثبتى فى قراءة الانجيل و صلاة باكر والنوم وتتناول على الاقل مرة فى الاسبوع
واعرفى انك خدامة عند ربنا والخدمة مقدسة والتزام
ايفا : شكرا يا بونا على خدمتى ديه وانا موفقة
ايفا حياتها بدات تتغير وحست بسعادة من نوع عجيب وفرحة عجيبة بالخدمة
وكان معاد خدمتها يوم الجمعة الساعة 3 ظهرا
وفى يوم جمعة حصل الاتى
ايفا: بابا انا نازلة عاوز حاجة
ابوها: ايوة روحى ابعتى الفاكس علشان ثفقة الخشب
ايفا طيب يا بابا ممكن على الساعة 6 م
ابوها: ليه؟
ايفا: حضرتك عارف انى عندى خدمة
ابوها : خدمة ايه ومن امتى وانتى بتخدمى ليه انشاء الله؟
ايفا : حضرتك عارف انى بقالى حوالى3 شهور
ابوها: وشغلك؟
ايفا: ماله وهو انا قصرت فيه؟
ابوها: هو انا هستنى لما تقصرى فيه
ايفا اتفضلى روحى ابعتى الفكس
ايفا: بابا انا............ .؟
قاطعها ابوها:ايفا هو كل ده لمين مش ليكى ومالى لمين مش ليكى؟!!!؟
ايفا : ايوة بس يا بابا ماجتش من ساعتين
ابوها: هى كلمة
ايفا :والخدمة
ابوها: وبعدين خدمة ايه؟
ما فيش خدمة هى الخدمة هتاكلك وتشربك انتى نسيتى حضرتك بتاخد2500 جنيه فى الشهر مرتب حضرتك
هو ربنا قالك سبى شغلك واخدمى
ايفا : لا بابا انا بخدم يوم اجازتى بس ومش بقصر فى شغلى
ابوها بغضب: قلتلك ما فيش خدمة ولا شغل غورى من وشى
دخلت ايفا غرفتها وهى بتعيط ان ابوها بيحرمها من الخدمة
وشوية ورن التليفون
ابوها : الو مين
مريم : انا مريم يا عمو هى ايفا مش نازلة ولا ايه؟ اصل الاطفال معانا والجو صقعة وباينها هتنطر
ابو ايفا: انتى يا بنت انتى ما تتصليش هنا تانى بلا خدمة بلا هم
وقفل السكة
ايفا سمعت المكالمة ديه واتجننت وقالت: ليه كده والعيال زنبهم ايه ؟
ولما يعيوا؟
ابوها انتى مش بتفهمى انتى ايه غبية و...........و ....و
ايفا:حرام عليك
ابوها: وبتقوللى حرام
وطخ
ضربها بالقلم
ايفا جريت بسرعة على غرفتها
واتصلت بخالها
ايفا: خالو تعالى بسرعة ارجوك انا خلاص مش عاوزة اقعد هنا بابا مش بيعرف ربنا
ارجوك
ماما لو عايشة ما كنش حصل كده
خالو: اهدى يا بنتى وبراحة فيه ايه؟؟؟؟
ايفا: اصل يا خالو اللى ..........اصل
والدنيا بقة صعبة اكتر
والاحداث اطورت اكتر
ابوها هاج اكتر لما شافها بتكلم خالها
اخد السماعة وقفل السكة واخد الموبيل
ولقى على المكتب كتب دينية راح رمها من الشباك حتى الانجيل رماه على الارض
وقال: انتى ما تستهليش حاجة وبكرة هجيب واحدة
مكانك 500 جنيه وانتى اقعدى فى البيت زى الك............ .
وايفا قاعدة يومين فى غرفتها ومش بتاكل ولا بتشرب ولا بتنام
وعمالة تعاتب ربنا
ليه يا رب؟ هو انا كنت عملت ايه؟
انت عارف قلبى وعارف انى عاوزة اخدمك؟ ليه يحصل كده؟
وشوية وضرب تليفون البيت ايفا بحزن :الو مين؟
الطرف الثانى : انا ابوناارسانيوس
ايفا صرخت وكأنها لقت ليقيه
ابونا شوفت............ .....
............ ..
........
ابونا: اهدى يا بنتى سمعت من مريم ان فى مشكلة
ايفا: ايوة يا بونا ده حصل ........ وحصل........وقال........و قلت
ابونا: يا بنتى انا مش قلتلك استعدى للخدمة يعنى تهيئى نفسك لحرب الشيطان
ايفا : ازى يعنى
ابونا: واحد من القدسين قال عندما تخدم الله هيئ نفسك لتجارب ابليس
ايفا: يا ابونا ده ابليس اتمكن من ابويا
ابونا: لا يا بنتى لو اتمكن ما كنتيش طلعتى فيكى محبة ربنا
ايفا: ازى هو اللى عمله ده مش قليل انا هسيب البيت واعيش مع خالو
ابونا: لو عملتى كده ما تبقيش بنت المسيح
ابوكى محتاج خدمتك وانتى تسبيه علشان موقف
ايفا: اصل يا بونا
قطاعها ابونا: شوفى يا بنتى انتى مؤمنة انتى بتخدمى مين؟
ايفا: ايوة يسوع المسيح
ابونا: لو مؤمنة بجد هتشوف ايد ربنا وضحة زى عين الشمس
ايفا : انا يا ابونا بقيت حيرانة اكتر اعمل ايه يعنى
ابونا: ابوكى لازم تخدمه قبل ما تخدمى برة
ايفا:؟؟؟ قولى ازى قدسك
ابونا: الاسبوع ده يكون فى صلاة بعمق من اجل ابوكى وتتعملى معاه بحب واهتمى بشغلك
وحسيسه بحبك ليه والصلاة بايمان
مكتوب يا بنتى صلاة البار تقددر كثيرا فى فعلها وخدى بشفاعة الملاك ميخايئل عيده بكرة
اطمنى المسيح ما بينمش وانتى فى حدقة عينه
ايفا : شكرا يا ابونا كلامك ريحنى كتير
وانا فعلا محتاجة اخدم فى بيتى الاول
تانى يوم ايفا نزلت الشغل لقت ابوها جاب واحدة تانى بدل منها ورغم كده اشتغلت
ابوها: انتى جاية هنا ليه اتفضلى مع السلامة
ايفا: الفاكس بعته والرد اهو بالوافقة
ابوها :سمعتينى؟؟
ايفا : استاذ مسعد عاوز طلبية تانى ارد اقول ايه اوافق ولا ارفض
ابوها : وفقى طبعا
بصوا لبعض وضحكوا
فضلت ايفا تعبانة من جواها وبتخدم شغلها بامانة وحب
وترجع البيت لحد الفجر تتضرع للمسيح انه يتدخل ودمعها دايما فى عنيها وتشفع بام النور والملاك ميخايئل
وفى اخر يوم من الاسبوع
قبل ما ايفل تخلص صلاة
فجاة دخل ابوها الغرفة
منهار
وهو بيبكى
وحضن بنته وجسمه بيرتعش
ابوها: بنتى حبيبتى سامحينى يا بنتى وبيعيط
ايفا :مالك يا بابا فيه ايه؟؟؟
ابوه: حلمت حلم صعب
انى موت وعلشان قساوة قلبى وبعدى عن ربنا جالى عدو الخير وورانى مكان صعب وضحك وقال هو ده مكانك
وشوفت مكان صعب جدا
وشوية ولقيت ملائكة جاية وبتخلصنى من ايد ابليس
وواحد قال من الملائكة انا ميخائيل رئيس جند الرب انا جى اخلصك علشان صلوات بنتك ارجع وتوب
بنتى سا محينى وقوليلى اعمل ايه ؟؟؟؟؟؟
انا هسيبك تخدمى واللى انتى عاوزاه هعمله
اعمل ايه ؟ فلوس ا؟ اي حاجة مستعد؟
ايفا قالت : اخدم معايا!!!!!!!!!!؟
ابوها: انا!!!!!!؟
ايفا :ايوة
مش الملاك ميخائيل قلك ارجع وتوب
ابوها : ايوة بس انا ماعرفش اخدم
ايفا: اخدم وربنا هيقولك ويفهمك اطلب وسيبو هو يشتغل
ابوها اشترى اتوبيس مينى باص للكنيسة وكان هو المسؤل عنه فى كل شئ حتى فى صيانته وكل شئ وهى خدمة صعبة
وايفا رجعت خدمتها بفرح عجيب
موضوع: دعوة للخدمة 
الإثنين 14 مايو 2007 - 5:37
