مالك يا حبيبي

مالك .. ايه اللي بيحصل لك؟

حاطط ليه ايدك على خدك؟

مش طايق حد يجي جنبك

مليان حسرة كاتمها في قلبك

ولا متى تسيب جرحك ينزف

وأنت واقف كده تتفرج؟

قول اتكلم اصرخ اهتف

لازم بقى من صمتك تخرج

وان كان البشر ناسينك

حتى أقرب الناس ليك

ولا شايفهم مش فاهمينك

ربك فاكرك حاسس بيك

انما لازم تاخد بالك

لما يخبط بابك تفتح

عمره ما هيدخل حياتك

الا اذا كنت بكده هتسمح

ومع انه لأجلك وعشانك

ياما تعب واتهان واتجرح

ما بيفرضش حبه عليك

بس بيفضل مستنيك

تلجأ له وهو يشفيك

إياك تستسلم للحسرة

وتضيع منك أعظم فرصة

كلام جميل جدا جدا جدا بس حضرتك اللي كاتبه الكلام الحلو ده ----فعلا عمر ما حد هيشيل همك ولا هيساعدك في حياتك قدربنا --عمر حد ماشاف كده هو اللي متبرع بانه يشيل همك واحنا بندورعلى حد غيره ونشيله همنا رغم انه ربنا هيشيل همنا ويحللنا كل المشاكل من اصلها وعمر ماحد في العالم يعرف يعمل كده ---مرسي اوي على الكلام المعزي الجميل ده clap

مرسي يا مارو يا حبيبتي ....تعيشي و تقري

الكلمات دي مش انا اللي كاتباها انا نقلتها بس

مرسي يا حبيبتي علي مرورك الجميل

:04:

بجد يا ميفا كلمات بسيطة بسكلها معاني تحفة
وجميلة تسلم ايدك يا قمر

مرسي لمرورك يا ريفا منوراني دايما يا حبيبتي