خواطر إنسان بسيط ولكن....

هذه خواطر إنسان بسيط علي قد حاله.... ولكنه عميق جدا في محبته لإلهه... أنقلها لكم كما قرأتها... بنفس ألفاظها وعباراتها...

فجأة ..
سمعت صوت ربنا بيقوللى: القطة

قلت له: مالها القطة يا رب؟

قاللى: إيه رأيك فيها ؟ كائن ضعيف ولا قوى ؟

قلت له: دى كائن ضعيف أوى يا رب..

قاللى: طب واللى بيحاول ييجي ناحية ولادها بتعمل فيه إيه ؟

قلت له باستغراب جامد م الموضوع اللى بيكلمنى فيه: بتعمل فيه إيه.. دى بتاكله أكل

وانتظرت إن ربنا يسترسل فى الكلام لكن سكت...

وقتها بس وصلتنى الرسالة اللى كان عايز يقولهالى...

وحسيت إنى عايز الأرض تنشق وتبلعنى

لأنى إكتشفت قد إيه أنا بأكسر قلبه لما بأشك في حمايته لي..

ولما بأشك في أمانته..

ولاد ربنا مش متسابين ملطشة للظروف تعمل فيهم اللى على مزاجها

لأ.. هيه مش سايبه..

ولا هوه مولد وصاحبه غايب..

ده صاحبه موجود ومتحكم حتى في أتفه الأمور..

أوعى تخلى ظروف الناس اللى حواليك تخوفك من ربنا..

ولا تشكك في محبته وصلاحه.. مالك أنت ومال إمتحان اللى جنبك ؟!

خليك في إمتحانك أنت..

ما تقارنش إمتحان شخص بإمتحان شخص تانى

لأن كل واحد مختلف عن التانى فى حجمه وقوة إحتماله..

المهندس اللى بيصمم كوبرى بيحدد أقصى حمولة يقدر يستحملها الكوبرى..

وبيعلق يافطة لتحذير الناس: "أقصى حمولة: كذا"

ولو الحمولة تجاوزت الحد ده.. الكوبرى هايتحطم

فمن باب أولى.. المهندس البارع اللى مصممك إنت..

عارف ومحدد أقصى حمولة تقدر تتحملها ومش بيسمح لحد ولا لحاجة فوق طاقتك إنها تحطمك..

لأنك صنعة إيديه.. وغالى جدا عليه

"تأديباً إدبنى الرب وإلى الموت لم يسلمنى" (مز 118 :18)

الحياة مع ربنا ممتعة ورائعة.. مش لأن مافيهاش عواصف.. أبداً..

إوعى تصدق اللى يقول لك: "تعالى لربنا وحياتك هاتخلو من العواصف والضيقات"

ده الكتاب نفسه قال: "كثيرة هي بلايا الصديق" (مز 34 :19)

لكن إوعى تخلى إبليس يحرمك من إنك تذوق حلاوة الهدوء والسلام في وقت العاصفة..

إوعى تخليه يخبيلك باقى الآية اللى بتقول: "ومن جميعها ينجيه الرب"

من جميعها مش من شوية منها.. مهما كانت صعوبة مشكلتك..

بدل ما تقول: (يارب.. أنا عندى مشكلة كبيرة)..

قول: يامشكلة.. أنا عندى رب كبير.. قدير

"يستطيع كل شيء ولا يعسر عليه أمر" (أي 42 :2)

أصعب المشاكل قدام قدرته مالهاش قيمة خالص..

وأصغر الأمور في حياتك قدام محبته ليها قيمة كبيرة جداً ..

المهم إنك تصدق وتؤمن إن ربنا يقدر..

لأن "بدون إيمان لا يمكن إرضاؤه" (عب 11 :6)

زمان.. كنت زى الغالبية العظمى من الناس..

لكن كان في جملة بالذات كنت كل ما أسمعها أسأل نفسي:

يا ترى مين يستاهل إنى أقول له: "اللى عيشته قبل ما تشوفك عيني عمر ضايع يحسوبه إزاى علي؟؟"

لكن دلوقتى.. أنا عارف كويس جداً مين الشخص الوحيد اللى يستاهل إنى أقول له كده..

مين اللى مقابلته هيه الحياة.. مين اللى حبه لي حب حقيقى؟؟
لما الشاب بيحب شابة بيقول لها: "بحبك موت"..

وهيه كمان بتقول له: "بحبك موت"..

لكن لو سألته: "هاتشبكنى بإيه؟ .. قيراط ولا قيراطين ألماظ؟"..

تبص تلاقيه جاله مغص وهبوط حاد في الدورة الدموية ..

ويقول لها: "مامعاييش".. تقوم ترد عليه وتقول له: "يبقى ماتلزمنيش"..

أصل هوه ده الحب اللى بين البشر..

هاديلك إيه وهاخد منك إيه قصاد اللى هاديهولك !! ..

يعنى بيعه وشروه

لكن حب يسوع هوه أعظم ثروة

الللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللللله
رووووووعه كلام جميييييييل وسليم وحكيييييم مع انه بسيط
مين احن منك يارب ومين ينجينى من البلايا والضيقات غيرك ومين اللى اصدق انه يقدر على كده الا انت وحدك يايسوع
احنا ولادك يارب وحياتنا بين ايديك واللى يقرب منا هيلاقيك بتحامى عنا
حقيقى اد ايه بخاف لما اسمع تجربة غيرى بس رسالتك وصلت ياالهى مش هبص لامتحان غيرى وخلينى فى امتحانى تاه عن بالى انك عارف قدرت كل واحد فينا ومش هتحملنا اكتر من طاقتنا
لو بصيت على تجربة غيرى هبص بس علشان اقول الحمدلله يارب اشكرك على نعمك وعلى انك عارف انى مش هقدر اتحمل تجربه ذى دى يعنى علشان اتعلم احمدك وعلشان اشكرك على تجربتى انها على قدى
وانت قادر تحل المشاكل وتمننح السلام وتزيل الاحزان والالام وتنهى كل انواع التجارب

تسلم ايديك يااغلى استاذ ديما كده موضوعاتك متميزه فععععععلا وجميله والواحد منا مينفعش يقفل الصفحه غير وهو مستفاد درس فى حياته

خواطر إنسان بسيط ولكن.... 1507074ehxsfdwo1f

ربنا يعوضك تظير كلامك الجميل هذا والمشجع أيضاً

بس لو تلاحظي يا نانسي كل مشاركاتي اللي عماله تفّخمي فيها دوري فقط يقتصري علي اني قرأتها سابقا واشعر انها ستفيد غيري فأنقلها لكم... ليس اكثر ولا أقل (بوسطجي يعني) لذا فكل كلام الشكر والتبجيل ده يستحقه الشخص الأساسي والذي خرجت منه هذه الأفكار وليس أنا...

ربنا يحافظ عليكي ويفرح قلبك دائما

تحفه جداااا مش جديد على حضرتك دايما بتهدينه بموضوعك الجميله
ميرسى ..........تسلم ااااااااااااااااااااااااااااااااااااااايد حضرتك
ss2

يااااااااااااااااااااااااااااااااااااااااااااااااااااااااااااااااااااااربي علي الجمال بجد

اقتباس :

فمن باب أولى.. المهندس البارع اللى مصممك إنت..

نحن صنعة ياديه الجميلة الحنونة اللي عارفة مقدرا تحملنا وضعفنا وقوتنا وكا حاجة
عارف تفاصيل تفاصيل حياتنا يبقي ليه نخاااااااااف
ومن جميعها يتجيه الرب

اقتباس :

قول: يامشكلة.. أنا عندى رب كبير.. قدير

انا لما قرريت الجملة ديه
فكرني بيوم ظهور النتيجة بتاعتي كنت في قمة قلقلي وبعين قولت يا غبية خايفة ليه وربنا معكي نجحك في كل ده هتيجي علي اخر ترم وهيسيبك متخافيش ربنا معاكي وفعلا نجحت
بجد تسلم ايدك يا استاذ بطرس

وعلي فكرة اللي كتب الموضوع ده يستحق الشكر بس حضرتك اكتر لان حضرتك بتنشرها كتير وكتيرو اكيد اكيد اتعلم كتيرررررررررررررر من الخواطر ديه

ss2

ولووووووووو...
بررررضوا الفين شكر يااستاذى ياللى خلتنا نقراه

خواطر إنسان بسيط ولكن.... 1150811f0iq57zodm

تعرف يااستاذ بطرس انت شخصية متواضعه جدا ولا يمنع من انك تكون بسطجى كبير وبتكون المهمه اصعب لاحسن اختيار المظروف الى فيه الموضوع ومدى قوته والاستفادة منه وياترى هيجيب نتيجه صح ولا عكسية تفتكر ان دا سهل او بسيط بالعكس دى قمة المسئوليه التى لا تخلوا من التعب علشان اجيب موضوع مايخطرش على بال اى شخص وتعرضه حقيقى موضوع ذو قيمة كبيرة جدا علشان الانسان لاينسى الرب فى المحن ولافى الضيقات ولا قوله انت اعتطنى اكبر من احتمالى لان الرب مطلع على قدرة كل شخص ومدة قوة
تحمله للتجربة ولا ينظر لغيرة ولا لعطائه اكانت كبيرة او صغيرة الم ترى معى قمة الموضوع ومدى الاستفادة الخفية فى مضمونه الرب يبارك ابحاثك ويبارك موضوعاتك التى تحمل بين كليماتها كل الافادة وتعيش وتعطينا كل قوة فى تحمل كل التجارب .

ماجى .....................

اهو دا الكلالالالالام
برافو ياماجى عسل بجد
شايف يااستاذنا حضرتك جميل اد ايه
بجد ربنا يعوضك تعبك

thxx

ميرسى يانانوس على التعليق يعنى انا مجبتش حاجة من عندى لانه فعلا استاذ عظيم ومش انتى معايا بردة وشايفه ان موضوعاته كلها جميله فى المضمون والمعنى ربنا يعطية كل الصحة والامان وشكر ليكى مرة تانيه على تشجيعك لى.
ماجى .....................

كيمو..... ريفااااااا.... ماجي..... نانسي

ضعيف أنا صدقوني أمام هذا الإطراء ... وبأخجل جدا امام كل الكلام المعسول ده

ربنا يحافظ عليكم كلكم .... ويديم محبتكم وصلواتكم من اجلي .... انا ما استهلش فعلا ولا كلمه اطراء واحده

متشكر

عرفت لوقتي يا استاذ بطرس مين اللي بيتضع
لان اللي حضرتك بتعمله مافيش كلام يقدر يوصفه بجد خالص
الف شكرررررررررررررررررا يا استاذي

تعيش وتكتب الناس الجميلة الى سبقتنى مخلتليش حاجة اكتبها رافو ليكم كلكم

يااااه يا مدام ptr

فتشتي في الماضي.... كل سنه وانتي طيبه متمنيا لكي ولأسرتك صوما روحيا ممتعا

شكرا لمرورك وتشجيعك... وتعيشي وتفتشي