معجزة جديدة و رائعة لابو سيفين

كل ما تطلبونه في الصلاه مؤمنين تنالونه

مت 21 : 12

السيده / حنان بشير

تزوجت في 1997/7/27 ومكثت فتره دون حدوث حمل فبدء الحاح وقلق كل من حولي

طلبت صلوات الشهيد ابو سيفين كي يفرحني ويرزقني بطفل

كنت اتررد كثيرا علي اديره بمصر القديمه وقلتله وانا واقفه قدام المقصوره

" اذا رزقني الله بطفل فساسميه فيلوباتير علي اسمك "

سافرت بعدها للكويت مع زوجي والذي يعمل محاسب وهناك علمت انني حامل

فكنت اطلب صلوات الشهيد باستمرار ليكمل لي علي خير

تعرضت في الشهور الاولي لمشاكل صحيه

فقرر الاطباء الهنود المتابعين لحالتي اعطائي ادويه لانزال الجنين

ولكني رفضت استخدامها وداومت علي دهن بطني بالزيت المصلي الذي اخذته معي من الدير

وكنت اضع كتاب معجزات الشهيد ابو سيفين علي بطني

واطلب منه ان يثبت الجنين

اشكر الله فقد تمت فتره الحمل بسلام وقرب موعد الولاده

فحضرت الي القاهره ورزقنا الله بطفل في 1999/4/8 م

وعلمت من والده انه نذر نذرا بان يسميه كيرلس

وبعد مشوره اب الاعتراف اسميناه كيرلس في شهاده الميلاد

وفيلوباتير في المعموديه

كنت اتردد علي الدير كثيرا ومعي كيرلس

كنت اقول له ان لكل واحد صديق شفيع من القديسين

فانا شفيعي البابا كيرلس وهو شفيعه وصاحبه ابو سيفين

لانه علي اسمه في المعموديه

وكنت احكي له باستمرار عن سيرته

فكان الطفل يمسك بشوكتين

ويضعهما عكس بعض ويضع فوطه حمراء علي اكتافه ويقول لي

" بصي يا ماما انا ابو سيفين "

فتربي كيرلس علي محبه الشهيد

كنت افضل باستمرار اعطاء حمام لكيرلس في ساعه متاخره من الليل

خاصه في الشتاء حتي ياوي الي فراشه مباشره

وينام سريعا لانه كان كثير الحركه وكنت اخشي عليه من الاصابه بادوار البرد

وفي ليله من شهر ديسمبر وكان كيرلس يبلغ وقتها عامان ونصف

قمت بتسخين ماء علي البوتجاز نظرا لعطل السخان ونسيت الماء يغلي لفتره طويله

اخذت الماء وصببته في طبق بلاستيك ولم اقم بتبريده للدرجه المناسبه

الي حين دخول كيرلس الحمام نظرا لان الوقت كان شتاء

اخذت كيرلس وبعد ان خلعت ملابسه قال لي

" يا ماما انا عايز اعمل تواليت " فاجلسته ولم انتبه لوجود صابون عليه

واذ بكيرلس يتزحلق وهوعاري تماما ويقع بنصف جسمه السفلي وايضا جنبه الايسر

في طبق الماء المغلي

اضربت جدا ولم ادر كيف اتصرف

وفي الحال سمعت كيرلس يصرخ بصوت عال

" يا ابو سيفين تعالي الحق كوكو "

طبعا كان جسمه شديد الاحمرار لدرجه اني شعرت اني لو لمست جلده بيدي سينسلخ

كانت الساعه الواحده بعد منتصف الليل وكنت ووالدتي بمفردنا

وليس لدينا مرهم للحرق وجميع الصيدليات مغلقه

كنت في حيره ومن الصعب ان يرتدي الطفل اي ملابس وهو علي هذا الحال

ونحن في عز الشتاء فوجدت كيرلس يقول لي

" يا ماما مش احنا عندنا زيت الشهيد ابو سيفين ادهنيني بيه "

وكان ببراءه وايمان الطفوله ينادي علي الشهيد ويقول له

" يا ابو سيفين ، انت صاحبي شيل الواوا ... اشفي كوكو صاحبك "

في الحقيقه كنت متردده مش عارفه اذا كان ممكن احط الزيت علي الحرق

ولكن حسب ايمانه دهنته لانه هوه الي طلب

وبعد كده شرب كيرلس باقي الزجاجه

وكان بيقولي يا ماما ما تخافيش ابو سيفين هوه الي ها يشفيني

عشان كوكو صاحبه

لبست كيرلس فانله قطنيه فقط ونام سهرت بجواره الليل كله

وانا بحاول اقلل احمرار جلده باستخدام مروحه يدويه

وكنت انادي علي الشهيد واقوله

ده ربنا رزقني بيه بصلواتك وعلي اسمك في المعموديه

فا اعمل معاه معجزه

نمت ووالدتي لما النهار طلع من التعب

ولما صحيت لقيت كيرلس فرحان ومش باين عليه اي الم

وقالي اقولك يا ماما انا شوفت مين ؟؟؟؟؟؟

انا شوفت ابو سيفين بحصانه وقالي مش تخاف يا كيرلس !!!

طبعا قلت ده من خيال الطفل وعقله الباطن

ولكني شعرت به يتكلم بالصدق

وخصوصا عنما لم اري اي اثر للحرق في جسمه

بالرغم انه سبق وقع علي بطنه نقطه جاز الهبت جلده وسببت احمرارا شديدا

اثرها باقي حتي الان وبدات اتكلم معاه واساله

عن شكل الشهيد ابو سيفين ولبسه

فقالي انه كان لابس شال احمر وحصانه بني وماسك السيفين عكس بعض

واود ان اذكر لكم انه عندما رفعت كيرلس من طبق الماء المغلي اصيبت يدي بحرق

وعشان كده لما شاف ايدي كيرلس تاني يوم

قالي يا ماما لو كنتي حطيتي الزيت

كانت ايدك خفت زي

روحنا كنيسه العذراء بروض الفرج لحضور الاجتماع

وكان ابونا يوحنا وديع كاهن الكنيسه يتكلم عن شفاعه القديسين

فقام كيرلس وقاله انا عندي معجزه عايز احكيها

وفعلا حكي كيرلس المعجزه وسط الشعب كله وعشان يتاكد ابونا من كلامه

وضع امامه اكتر من صوره

واحده لمار جرجس

والتانيه لابو سيفين

والثالثه للامير تادرس

وسال كيرلس مين الي شفته !!!!؟

فاختار صوره ابو سيفين

ولما ساله ابونا كان لابس ايه

قاله شال احمر وسيفين عكس بعض

ويبلغ كيرلس من العمر الان عشر سنوات

وقد تم تسجيل هذه المعجزه يوم 2005/7/9

حقا ليتمجد الله في قديسيه

شفاعتك يا ابو سيفين

هذه المعجزه تنشر لاول مره

صلوا من اجلي كثيرا.

معجزة جميلة ربنا يملأكم بركة ويكون معاكم وشفاعة القديسين أجمعين معكم

طبعاااااا لازم أبوسيفين يتدخل ويصلى من أجله لربنا ويطلب منه يمنح كوكو الشفاء
دا كفايه ايمانه وأن طفل عنده سنتين ونص يطمن مامته ويقولها متخافيش ابو سيفين هيصليلى وربنا هيشفينى
وأن الام ترددت فى الاول تحط الزيت على الحرق ليكون فى خطوره من عملها هذا على الحرق بينما قام الطفل فى شرب جزء من الزيت
ربنا يعطينا قوة الايمان الى بها تحصل مععجزات وبركة وصلاوات القديس أبو سيفين مع جميعا وتعوضك ياميفا

اهلا و سهلا بيك
mon2
منور المنتدي و نتمني نشوفك معانا علي طول
بركة و شفاعة القديس العظيم تكون معاكي

مرسي يا نانسي يا حبيبتي
انت مختفية ليه يا نانسي بقالك مدة؟؟؟
وحشتينا ووحشتنا موضوعاتك الجميلة
بركة و شفاعة القديس العظيم تكون معاكي

معجزه جميله يارب عقبالى لما تحصلى معجزه وتشفينى ببركة شفاعة كل القديسين وبركة ابو السيفين بركته تكون معنا امين اذكرونى فى صلواتكم crry

مرسي يا مدام فيفي لمرورك الجميل
ربنا معاكي ويبارك حياتك
وبركة القديس العظيم ابو سيفين تكون معاكي و تشفيكي

ربنا بيتمجد فى قدسيه كل لحظه ربنا يبارك حياتكم ويكون معاكم ويعطينا سلام ونعمه ومحبه فى الرب يسوع

مرسي جدا لمرورك يا مينا
منور المنتدي
بركة و شفاعة الشهيد العظيم تكون معاك

شفاعتك يا ابو سيفين متنسنيش مد ايدك معايا
wel5

بركة وشفاعة القديس العظيم تكون معاكي حبيبتي