كل ما أشوف حاجة تعجبني

كل ما أشوف حاجة تعجبني
أجري عليها زي الطفل
ولما ألاقيك عنها تبعدني
أغضب وأصرخ من غير عقل
أسأل: ليه منها تحرمني؟
امتى المشكلة دي هاتتحل؟
كل ما أشوف حاجة تعجبني

  
أيوة يا رب صحيح أنا ابنك
بس بقيت محتار وياك
اللي بيعجبني مش عاجبك
ولا بيحوز تحقيقه رضاك
كل ما أشوف حاجة تعجبني

  
أكيد فيه أسباب مهمة
بتخليك ترفض رغباتي
وعندك طبعا قصد وحكمة
بيها بتمشّي لي حياتي
كل ما أشوف حاجة تعجبني

  
لكن عقلي بسيط محدود
ومن الصعب يستوعبها
في أمور تمنعها وبتجود
بحاجات تانية مش بأطلبها
كل ما أشوف حاجة تعجبني

  
قلت لي : ارمي الحمل عليّ
ماتعولش هم الأيام
خليك فعلا واثق فيّ
أنا ضامن كل الأحلام
هأقود رحلة عمرك ديّةّ
وهأخليك عايش في سلام
و عليك تمسك يابني ايديّ
وتبص دايما لقدام
ده أنت في قلبي وجوه عينيّ
بطّل حيرة وكتر كلام