طاجن السبيط ( الكاليمارى )

طاجن السبيط ( الكاليمارى )

المقادير:

1 كيلو سبيط منظف ومقطع قطع صغيرة -
6 فصوص ثوم -
2 بصل -
1 حبة طماطم -
ا حبة فلفل كبير -
فلفل حار ( حسب الرغبة ) -
2 ملعقة صلصة -
كرفس -
2 ليمون -
2 ملعقة خل -
ملح-كمون-شطة -
3 ملاعق زيت .

الطريقة:

يغسل السبيط جيدا ويغسل بالخل والملح ويشطف عدة مرات حتى تكون مياه الشطف شفافة جدا
نضعة فى مصفاة لازالة الماء الزائد ...نصفيه يعنى
نقطع البصل قطع دائرية رفيعة ثم نقطع الثوم والطماطم والفلفل الحلو والكرفس الى قطع صغيرة
نضع الجميع فى طاجن/او صينية بيركس او صينية عادية (ولو معندكوش بيركس تشتروا بيركس لان الصينية هى للى بتظبط الصنف.... :lol: )
نضع باقى البهارات مع الليمون والخل والصلصة ونقلب الجميع نضيف الزيت
نغطى الصينية بالفويل اوالالمنيوم ونتركها على نار هادئة (لا نضيف الماء)
لان الخليط السابق سيسبب ماء نتركة على النار الى ان يتشرب كل الماء بعد ذلك نبدا فى التقليب ثم نضيف القليل من الماء حتى اكتمال التسوية الى ان تتسبك (تقل الصلصة ويستوى الجميع )
طبعا اضافة الشطة والفلفل الحار اختيارية

الصنف بامانة تحفة ..
جربوووووووووووووه
وربنا يستر
انا مش مسئولة عن اللى هايحصل

ايوة كده عايزين اسماك علشان الصيام قرب...

تسلم ايديكي يا غادة هاجربه و اقولك اصلي باحب السبيط اوي

بالف هنا وشفا ... انا كمان بحب الكاليمارى وكمان المحار لذيذ الشوربة بتاعته بتبقى جميلة هابقى انزلكم الوصفة بتاعتها .

وبالهناء والشفاء.

ميرسى لمرورك الكريم استاذ اكرم وبالف هنا وشفا

» لعشاق الكاليمارى .. بالصور
» طاجن السمك الهندي.. حار
» طاجن اللحم بالبصل