شيش طاووق السمك و الجمبري

الاكلة دي نفس طريقة الشيش طاووق بس بدل الفراخ هايبقي جمبري وسمك
___ ___ ___ ___ ___ ___ ___ ___

المقادير...
_______

نص كيلو سمك فيليه يقطع مكعبات

ربع كيلو جمبري مقشر

ثلاثة معالق طحينة مخلوطة بالماء او نحلها بالماء

اتنين فص من التوم المفروم - ملح وفلفل - كركم - زيت زتون

فلفل الوان يقطع مكعبات - قشر لمونة مبشور - عصير لمونة -زعتر -
روز ماري
_________________________________________________________

طريقة التحضير
____________

نجيب الطحينة ونضع عليها زيت الزتون وعصير اللمونة والتوم المفروم واللمونة المبشورة والملح والفلفل والزعتر والكركم والرز ماري ونخلطهم مع بعض جيدا

ونضع فيهم مكعبات السمك والجمبري لمدة ساعة وبعدها نجيب الاسياخ الخشب ونضع فيها السمك المكعبات والجمبري والفلفل علي التوالي

بعد كده نجيب طاسة تيفال وندهنها بالزيت ونجيب الاسياخ الخشب الي احنا عملناها ونشوحها علي النار لحد ما تستوي نص سوي

وبعد كده نجيب صينية ونفرشها بالفويل ونرص فيها الاسياخ الخشبية ونغطيها بالفويل جيدا وبعد ما تستوي نفتح الفويل ونتركها قليلا حتي يحمر وشها وتقدم مع الارز