اسئلة عجيبة هتضحكوا عايزة ردود

[]اسئلة مالهاش اى لازمة وماعرفش بتتقال ليه ودى امثلة منها:



تبقى لابس و متشيك و ضارب الجل فى شعرك و ريحت البارفان جايبة لغايه اخر الشارع و بتفتح باب الشقة و جاي تنزل تلاقى حد من البيت شافك يقولك ( ايه ده هو انت خارج ؟ )


- لا بجرب افتح الباب اصلهم قالوا فى صباح الخير يا مصر انه الحركة ديه بتنمى الذكاء
^^^^^^^^^^^^^^^^^^^^^^^^^^
خلصت خروج و راجع البيت بتفتح الباب و داخل تلاقي الى بينده عليك بعد ما دخلت
ياولد ترد و تقول: نعم يقولك : انت جيت ؟ )

- لا لسه لما اجى هاقولكم
^^^^^^^^^^^^^^^^^^^^^^^^^^^^^^^^^^^^^^^^^^^^^^

قاعد فى اوضتك و كبس عليك النوم اومت اتغطيت و مظبط حالك و طفيت نور الاوضة و لسه بتغمض عينك تلاقى حد بيفتح عليك باب الاوضة ويقولك (ايه ده هو انت هتنام ؟)

- اكيد لأ مانتا شايفنى برقص باليه اهوه
^^^^^^^^^^^^^^^^^^^^^^^^^^^^^^^^^^^^^^^^^^^^^^

او خلاص اتغطيت و طفيت نور الاوضة و عينك هتبتدى تروح فى النوم تلاقى حد بينادى عليك من اوضة تانية

يابني) ترد وتقول نعم يقولك : انت نمت ؟ )

- يااااااااه فى سابع نومة و بتفرج على كابوس كمان
^^^^^^^^^^^^^^^^^^^^^^^^^^^^^^^^^^^^^^^^^^^^^^

او روحت مسكت التليفون و لسه بتضغط عالارقام عشان تتصل تلاقى الى بيقولك
(ايه دا هو انت هتتكلم فى التليفون و لا ايه ؟)

- لا يا عم دا الكابتن فى الجيم قالى على تمرين صوابع بعمله عالتليفون
^^^^^^^^^^^^^^^^^^^^^^^^^^^^^^^^

او معزومين عند ناس و لاحاجة و راييحين ترنوا الجرس يفتحلكم طفل او طفلة عساسيييييل اوى يقولكم
( ايه ده انتوا جيتوا؟)

- معلش يا بنى العيب مش عليك انت لسه صغير
^^^^^^^^^^^^^^^^^^^^^^^^^^^^^^^^^^^^^^^^^^^^^^

رايح عند بتاع عصير القصب تقوله: فى خروب؟
يقولك: فى سوبيا و عصير قصب و تمر هندى و دوم و مانجة وبرتقال

- طب يا عم قولى مفيش و خلاص
^^^^^^^^^^^^^^^^^^^^^^^^^^^^^^^^^^^^^^^^^

يجيى الراجل نازل من بيتهم الصبح ضارب البدلة و ماسك الشنطة و لسه بيدور العربية و جاى يطلع يلاقى البواب بيخبط له عالأزاز و يقوله ( هو انت رايح الشغل يا بيه ؟ )

- لا يا عم رايح العب نيد فور سبيد مع صحابى
^^^^^^^^^^^^^^^^^^^^^^^^^^^^^^^^^^^^^^^^^^^^^^

او التليفون رن و رحت رديت قعدت ترغى مع الى اتصل شوية و فى الاخر قفلت السكة

تلاقى بعد شوية حد جاى يقولك :كان حد عايزنى عالتليفون ؟

اه يا عم بس انا كلمته بالنيابة عنك و بعدين قفلت معاه ما اكيد لو حد عايزك كنت ناديلتك يعنى
^^^^^^^^^^^^^^^^^^^^^^^^^^^^^^^^^^^^^^
او بتكلم واحد صاحبك من على تليفون البيت تلاقيه بيقولك :انت فين دلوقتى يا بنى ؟
يااااااااااااه يا عم دانا فى اسكندرية بصيف ^^^^^^^^^^^^^^^^^^^^^^^^^^^^^^^^^^^^^^^^^^^^^^

او يا سلام بقي عايز تروح حتة وتايه مش عارف توصلها قولت تسئل حد تقابل حد تقوله: لو سمحت ما تعرفش شارع كذا فين يقولك: هما قالولك فين ؟

طب انا لو عارف هسئل حضرتك على انهى اساس يعنى
^^^^^^^^^^^^^^^^^^^^^^^^^^^^^^^^^^^^^^^^^^^^^^
^^^^^^^^^^^^^^^^^^^^^^^^^^^^^^^^^^^^^^^^^^^^^^

^^^^^^^^^^^^^^^^^^^^^^^^^^^^^^^^^^^^^^^^
[/font]
منقووووووووووووووووووووووووووووووووووووول
منقول

GAAAAAAAAAAAAAAAMel gedan
Mareham

جميلة يا سودانية

بيحصل كثير بس ضحكتنى لما قريتها