مسابقة روحية متجددة يوميا

المسابقة دى هدفها اننا نشترك مع بعض وندور ونبحث علشان نعرف معلومات جديدة فى كل المجالات الروحية والكنسية وايضا فيما يخص شهداء وقديسين كنيستنا القبطية الغالية

كل يوم فى سؤال جديد ... ومش مطلوب غير حضورك واجابتك

وهانحاول بقدر الامكان نفردها مانعقدهاش
مسابقة روحية متجددة يوميا 401473076

السؤال الاول .... الاربعاء 30 مارس 2011

من هو القديس الذى لقب بالمقطع ؟ وما سبب هذه التسمية ؟

حلوة خالص الفكرة دى يا غادة

عندك حق المسابقة دى هتزور من المعلومات خالص عندنا

ربنا يعوض تعبك
ابدأ انا بقى

القديس الذى لقبوه بالمقطع هو القديس يعقوب المقطع

وسبب تسميته بهذا اللقب لان الوثنيين كانوا يقطعوا اعضاء جسده عضو عضو علشان يترك المسيح لكن هو لم يضعف

مسابقة جميلة اوي يا غادة ... ربنا يعوضك حبيبتي

مسابقة جميلة جدا ورائعة
واسئلة جميلة وممكن كمان تكون صور لقديسين لا نعرفهم
وممكن كمان توضع على الجروب
ربنا يعوضك يا فنانة المنتدى

ميرسى كتير لمروركم الجميل غادة وممدوح ربنا يبارك حياتكم

شكر خاص لعروسة النشيد لمشاركتك الجميلة معانا بالاجابة عن السؤال ... وطبعا الاجابة صحيحة

القديس يعقوب الفارسى

هو الملقب بالمقطع وسبب هذه التسمية انهم قطعوا كل اجزاء جسده عضو عضو ولم يتبقى منه الا رأسه ونصفه العلوى بدون اذرع. وكان يعتذر الى الله انه غير قادر على الوقوف فى حضرته اثناء الصلاة لانهم قطعوا ارجله . وغير قادر على بسط يديه لانهم قطعوا اذرعه .... ونال اكليل الشهادة قبل ان يلفظ انفاسه الاخيرة بقطع رأسه . وجسده الطاهر يوجد بالبهنسا ويوجد جزء من الجسد المبارك فى دير السوريال بوادى النطرون. وتعيد له الكنيسة القبطية فى 27 هاتور من كل سنة. بركة صلواته وشفاعته القوى الامين تكون معانا جميعا.

سؤال اليوم : الخميس 31 مارس 2011

هل يوجد للعذراء مريم أخوة اخرين ، ام انها كانت وحيدة القديس يواقيم والقديسة حنة ؟

مرسي يا غادة علي تعبك .. ربنا يعوضك

ها مين الشاطر النهاردة اللي هيعرف الاجابة؟؟؟

مسابقة روحية متجددة يوميا 308339

يا مسهل يا رب

ميرسى على المسابقة الجميلة دى

وهجاوب السؤال دة وربنا يستر وتكون الاجابة صحيحة

للعذراء مريم اخت اسمها مريم ايضا(وكانت واقفات عند صليب يسوع امة واخت امة مريم زوجة كلوبا)

ايه ابداعات الصعايدة دى يا حبة حنطة

وانا كمان مع حبة حنطة بسمع ان للعذراء مريم اخت اسمها مريم

ايوة صح نسيت اباركلك يا عروسة النشيد على اجابتك للسؤال الاول
يارب يكون خير ذكاء على غير العادة ربنا يستر

اه الحاجات الحلوة ده مسابقة حلو خالص ربنا يعوضك
والاجابات جميلة
شطرين المرة الجايه هسابقكم

اعتقد انى العذراء مريم كانت وحيدة
ولديها كانو مش بيخلفو وصلو ل ربنا وقالو لو خلفنا هنهدى الطفل للكنيسة
وهو ده اللى حصل بالظبط

لا ياحبة حنطة ولا ذكاء ولا غيره

انا كنت فكراها الاجابة دى من الاجتماع بتاع بنات اعدادى

وبعدين غادة بادية بأسئلة للاطفال

لو صعّبت السؤال شوية مش هتلاقينى فالقسم ده خالص

وانتى اكتر وحده عارفة الموضوع ده

منوره يا ptr واحنا فى انتظارك

حبة حنطة@ كتب:: ميرسى على المسابقة الجميلة دى

وهجاوب السؤال دة وربنا يستر وتكون الاجابة صحيحة

للعذراء مريم اخت اسمها مريم ايضا(وكانت واقفات عند صليب يسوع امة واخت امة مريم زوجة كلوبا)

فعلا العذراء مريم لها اخت واسمها مريم برضو
وهى مريم زوجة كلوبا .... وقد ورد ذكرها ضمن الواقفات عند الصليب. وزوجها هو كلوبا {يو25:19}. وأولادها يعقوب الصغير، ويوسي، وسالومة {مر40:15}

برافو عليك حبة حنطة شطوووورة تفوزى معانا المرة دى
وانشاءلله اسمك هايعلن فى النشرة القادمة

ptr كتب:: اه الحاجات الحلوة ده مسابقة حلو خالص ربنا يعوضك
والاجابات جميلة
شطرين المرة الجايه هسابقكم

ميرسى يا قمر ومنتظرين اجاباتك معانا المرة الجاية

hany samir bahnan كتب:: اعتقد انى العذراء مريم كانت وحيدة
ولديها كانو مش بيخلفو وصلو ل ربنا وقالو لو خلفنا هنهدى الطفل للكنيسة
وهو ده اللى حصل بالظبط

اهلا استاذ هانى
نتمنى تكون اكتسبت معلومة جديدة من مسابقتنا المتواضعة
هى فعلا العذراء مريم كان لها اخت واسمها مريم ايضا واعطاها الله للقديس يواقيم والقديسة حنة عوضا عن القديسة مريم العذراء التى نذرت للدير منذ صغرها.
وورد ذكرها فى الانجيل ضمن الواقفات عند الصليب وهى ( مريم زوجة كلوبا )

عروسة النشيد كتب:: لا ياحبة حنطة ولا ذكاء ولا غيره

انا كنت فكراها الاجابة دى من الاجتماع بتاع بنات اعدادى

وبعدين غادة بادية بأسئلة للاطفال

لو صعّبت السؤال شوية مش هتلاقينى فالقسم ده خالص

وانتى اكتر وحده عارفة الموضوع ده

منوره يا ptr واحنا فى انتظارك

كده يا عروسة النشيد انا بادية برضو باسئلة اطفال
طاب اطفال باطفال .... خدوا بقى حاجات اطفال اهى

واهوووووو كمان

ودى كمان بالمرررة

Ghada كتب:

عروسة النشيد كتب:: لا ياحبة حنطة ولا ذكاء ولا غيره

انا كنت فكراها الاجابة دى من الاجتماع بتاع بنات اعدادى

وبعدين غادة بادية بأسئلة للاطفال

لو صعّبت السؤال شوية مش هتلاقينى فالقسم ده خالص

وانتى اكتر وحده عارفة الموضوع ده

منوره يا ptr واحنا فى انتظارك

كده يا عروسة النشيد انا بادية برضو باسئلة اطفال
طاب اطفال باطفال .... خدوا بقى حاجات اطفال اهى

واهوووووو كمان

ودى كمان بالمرررة

ايه ده يا غادة دا كله لىّ

حلووووووووووووين خالص

وحلوة خالص السكاتة دى

دى لىّ علشان عاملالك دوشة فوسط المسابقة علشان اسكت يعنى

حاضر يا غادة هحطها فبوقى واسكت

عموما ياغادة الاسئلة حلوة خالص ويادوب تناسبنا

بس انا عاوزة أفّهمك حاجة انتى متعرفهاش

وانا هقولك سر متقوليهوش لحد

انا بقول كده بس لحبة حنطة علشان

لما لقيتها بتقولى مش عوايدك وايه الذكاء ده

وانى جاوبت على السؤال وبصتلى كده بعينها

جاتنى حالة رعب

وقولت خلاص عين وصابتك يا عروسة النشيد فوقفت بسرعة وعلقت فرقبتى الخرزة الزرقة

وحطيت جنبى حدوة الحصان وعلقت خميسة فوق راسى وجبت برص ميّت ومحنط ووووووووو

وقولت اقولها ان الاسئلة دى أسئلة اطفال علشان عينها متأثرش فىّ

ويا ريت ده كله يأثر فى عينها

لااااااااااااااااا يا غادة اوعى تقولى ده كله من عينها

ايووووووووووووه

عينها دى عشرة معايا من زمااااااااااان ومجرباها كتيرررررررررررررر

طبعاً انا عارفة يا حبة حنطة انك مش هتزعلى من هزارى

انتوا الاثنين زى العسل ومنورين المسابقة

إخص

بُرص ميت؟؟!!!!!!!!!!!!!!!!!

Boutros كتب:: إخص

بُرص ميت؟؟!!!!!!!!!!!!!!!!!

ومحـــــــــــــــنّط

وفى ديل سحلية كمان تحب نصدرلكم كام برص وكام سحلية للاسكندرية

وفى فالواوات الكتيرة دى بلاوى مستخبية

هههههههههههههه

لكن فين سؤال النهارده يا غادة ؟؟؟؟

النهاردة الجمعة عطلة رسمية
من بكره انشاءلله علشان يتحط مع النشرة الدورية

النهاردة الجمعة عطلة رسمية
lau1

عسل ياغادة كانت تايهة عن بالى وعمالة اقول خير فين المسابقة النهاردة

سؤال اليوم : السبت 2 ابريل 2011

من اى طغمة من الملائكة كان الشيطان ؟