اعلم يارب قدر محبتك لى !

يارب يسوع

كم مرة يا حبيبى احتمل اخطاء اخويا

سبع مرات سبعين مرة

ليه يارب وازاى اتحمل

يا بنتى من اجل المحبة لازم تحتملى الاساءة وتغفرى

وهو انا يارب اقدر اتحمل اساءه اخويا بالكم ده

يا بنتى ما انا عارف قدرة الانسان وتحمله لكن كل ما تجاهدى اكتر فى التحمل
هعطيكى قوة اكتر وفرح وسلام فى التحمل ده

يارب عارف السبعة سبعين مرة دول يبقوا 490 مرة
يعنى يارب اتحمل الاساءة كل دقيقة يارب كل عمرى يارب

اه انا عاوزك تتحملى
تتحملى علشان غيرك يحتملك
تحتملى علشان تعودى قلبك على التسامح
تحتملى علشان حياتك يملاها السلام

طاب يارب ليه كلامك ده اكيد بتقصد حاجة

اه طبعاً يا ابنتى الغالية

تقصد ايه يا ابويا الحبيب

علشان اوضحلك ان محبتى ليكى بلا حدود

محبتك يارب ازاى مش فاهمة ؟؟؟

انتى لوحدك يا بنتى قولتى انى بشر مش بحتمل
لكن انا طلبت منك انك تسامحى اخوكى بالقدر ده

اما انا ابوكى حبيبك ، خالقك ،
اعطيتك هذا المثل لتعرفى كم من مرة تسيئى لى فى كل دقيقة وانا اسامحك
اعطيتك هذا المثل لتعرفى ان احضانى مفتوحة لكى مهما ان فعلتى بى
اعطيتك هذا المثل ليرجعك الى احضانى
لا ان تتهاونى بمحبتى لى وتتمادى فى اخطاءك
هل انتو كبشر تسامحوا وانا لم اسامح

فالان علمتى قدر محبتى لكى

فعلاً يا ربى اشكرك على محبتك
من اعماق اعماق قلبى

اقتباس :: اشكرك يا ربى على محبتك
من اعماق اعماق قلبى

أشكرك يارب علي حبك وحنانك علي
أشكرك يارب علي طول أناتك وتحملك لأخطائي وزلاتي
أشكرك يارب علي تسامحك معي الغير محدود
أشكرك يارب لأنك أبي الحنون العطوف الذي يعتني بي ويحفظني