ليه القلقاس والقصب فى عيد الغطاس ؟

كـــــل سنة وانتم طيبين بمناسبة عيد الغطاس

طبعا كلنا فى عيد الغطاس بناكل القلقاس و القصب بس فيه البعض ميعرفش ليه

ديه عبارة عن قصة قصيرة بتشرح ايه هو سر القلقاس والقصب مع عيد الغطاس

توتة: كل سنة وأنت طيبة يا شيري الشهر ده فيه أعياد كتيير أوي حلوة وجميلة وفاضل كام يوم على عيد أنا بحبه إسمه ............. عيد الغطاس
شيري: كل سنة وأنت طيبة؛ فعلاً عيد الغطاس من الأعياد الجميلة فى كنيستنا، انت عارفة أنهم كانوا بيسموه بعيد الشموع أو عيد القصب والقلقاس كمان.
توتة: عيد القصب والقلقاس!!!!!!!!!!!!!! أنا مش فاهمة حاجة ؟؟؟ إيه دخل القصب والقلقاس بالعيد؟؟؟
شيري:دي أصلها عادة قديمة عندنا، لأننا لقينا إن القلقاس والقصب فيهم رمز للمعمودية.
توتة: (بإستغراب): للمعمودية!!!
شيري: أيوة رمز للمعمودية .... القلقاس مثلاً علشان تطبخه الأول بنغسله ونغطسه فى الميه السخنة عشان ينضف، تمام زي الإنسان إللي بيتعمد بيغطس فى ميه المعمودية وينضف من خطاياه القديمة.
أما القصب كانوا زمان بيحطوا شمع فوقيه بيرمز لنور الروح القدس، ويدوقوا حلاوته، زي الإنسان إللي بيتعمد بياخد بركة المعمودية ويدوق حلاوة ربنا.

يا ترى عرفتي بقى إيه هو سر القلقاس والقصب فى عيد الغطاس؟؟؟؟؟؟

اه عرفت
انا اول مره اعرف السبب فعلا بس السؤال دا كان بيدور فى تفكيرى كتير
ميرسى للافاده يادينامو وكل سنه وانتى طيبه
طبعا القلقاس من ايديك حكايه ههههههههههههه بالهنا والشفا وعيد غطاس جميل ليكى ولاسرتك يامدام غاده ولكل الاعضاء والمشرفين

wel5

معلومة جميلة اوي يا بنت النعمة

مرسي جدا علي تعب محبتك

كل سنة و انت طيبة

مرسي جدا يا مدام غادة علي المعلومة ديه

بس بجد انا مش بعدل انا سمعت مرة تفسير للابونا اننا بناكل القلقاس عشان برضو
انه وهو في بيتزرع بيكون متغطس في الارض زي المعمودية بالظبط
ومرسي ليكي يا دينامووووووووووووووو وعايزة انا ونانسي ندوق القلقاس من ايد حضرتك
ممكن؟؟؟؟؟؟؟؟؟؟؟؟؟؟؟؟؟؟؟؟ ياريت
كل سنة وعيد سعيد ليكي ولكل اسرتك وكل اللي في المنتدي

ميرسى خالص لمروركم الرقيق نانسى وغادة وريفا
كل سنة وانتم طيبين

بس نانسى وريفا بلاش موضوع القلقاس اللى من ايديا ده احسن هاتحلفوا ما انتوا واكلينه تانى ابداااااااا
....
...
..
.
الا من ايديا طبعااااااا

اااااااااااااااه خايفة من اننا نفضل قاعدين عندك وناكل كتيررررررررر
انا عن نفسي مش باكل كتير يا دوب طبقين

ونانسي بقي بتاكل طبق بس معاه اربع اطباق تانين
شكراااااااااااا اكيد الاكل منك سكرررررررررر

انا قلقت بصراحه شكرا يامدام غاده انا هعمل رجيم ههههههههههههه

ليه ياريفا كده انا باكل نص طبق بببس eat

انا بهزر طبعا اى حاجه من ايد حضرتك يادينامو هتكون جميله وبعدين ماحضرتك عارفه بصلة المحب خروف هههههههههه

كل سنه وانتم طيبين بجد واعزمينا يامدام غاده ومتعوليش همنا احنا بندوس فى اى اكل مش كده ياريفا؟؟؟؟

شكرا على المعلومات الجديدة المفيدة
وانا لا اقتنع بتفسير ان القلقاس بيتزرع بيكون متغطس في الارض لان فيه درنات كثيرة بتكون فى الأرض مثل البطاطس والبطاطا اوغيرهم
عيد غطاس جميل لكل الاعضاء والمشرفين
:takder:
wel5

كل سنه وانتى طيبه

بجد ميرسى على المعلومات الجميله دى
ويارب سنه دى تكون سعيده وجميله وحلوه مع يسوع
وكل سنه وانتى يامدام غاده بسعده وخير
وعيد غطاس سعيد
وانا نفسى فى قصب

الاول كل عام وصاحبة فكرة القلقاس بخير. اما هذه الافكار ليست فى صالح الارثوذكسية ولا الايمان المسيحى عموما . هى افكار متوارثة بعضها فرعونى والاخر يهودى وهى افكار دخيلة كغيرها من ممارسات نمارسها ولا نعرف لها اصلا . ولا توجد اى اسانيد لا فى الكتاب المقدس . او الدسقولية والتى هى تعاليم الرسل. تعلم هذا التعليم . وكمسيحى اقبل هذا من باب الاجتهاد ولكن لان منتدياتنا ابواب مفتوحة للكل ينبغى ان نقدم كل ما هو صحيح وجيد ومشرف للايمان المسيحى . وارجو من صاحبة الفكرة هى وغيرها ممن قرات لهم صباح اليوم ان تسامحنى ولا تعتبر هذا هجوما شخصيا . بكل صدق لا لا . ولكن حفاظا على ايماننا . وكل عام وحضرتك بخير مع الكنيسة اكليروس وعلمانيين

ربنا يعوض تعب محبتكم

أستاذنا الحبيب الأستاذ ممدوح يوسف

في البداية كل سنه وحضرتك بألف خير وصحه وكل عيد غطاس وحضرتك طيب.

ثانياً... رائع جدا جدا رد حضرتك وغيرتك علي المسيحية والأرثوذكسيه... ده أولا، وثانيا محبتك وغيرتك الشديده علي منتدانا الجميل ورغبه حضرتك في مصداقيه كل ما يقدم فيه من موضوعات فمعك كل الحق في هذا.

ثالثاً... في اعتقادي الشخصي المتواضع أن حضرتك لم تلاحظ سطر في المقاله الرئيسيه التي أرسلتها بنت النعمه ألا وهو
(توتة: عيد القصب والقلقاس!!!!!!!!!!!!!! أنا مش فاهمة حاجة ؟؟؟ إيه دخل القصب والقلقاس بالعيد؟؟؟
شيري:دي أصلها عادة قديمة عندنا، لأننا لقينا إن القلقاس والقصب فيهم رمز للمعمودية).ومن سياق العبارة يتضح أن الموضوع عاده بالفعل وليس من الكتاب المقدس ولا الدسقوليه ولذا الموضوع من الموضوعات الخفيفه ومحاوله ربط العاده باحتفالنا بعيد الغطاس ليس أكثر ولا أقل.
فعلي نفس السياق يمكننا ربط عيد شم النسيم مثلاً بعيد القيامه (احتفال فرعوني وتحويله لمسيحي) فلا يمت لا الانجيل ولا الدسيقوليه في شيء.

أردت فقط أن اشارك في الموضوع برأيي ليس إلا فكل المحبه لبنت النعمه وكل المحبه والاحترام والتقدير لحضرتك.

ميرسى خالص لمروركم الجميل وارائكم المتميزة

مافيش هجوم شخصى ولا حاجة يا استاذ ممدوح انت منور المنتدى
واحنا بنفرح بتفاعل الاعضاء مع المواضيع وبنفرح بكل رأى

بس موضوع القلقاس ده انا سمعته اصلا من ابونا فى الكنيسة يعنى بيتقال تقريبا التفسير ده فى كتير من الكنائس عند قرب عيد الظهور الالهى .

كل سنة وانتم جميعا بالف صحة

سمعنا إللى ما ياكلش قلقاس يصبح من غير راس؟!
وكان والدى يقول لى معنى ورمز القلقاس فكان ترمز إلى رأس يوحنا المعمدان التى قطعت على يد هيرودس الملك ـ وكما نعلم جميعا بأن التراث القبطى كان يعتمد كثيرا على الرموز التى تدل على الأحداث الدينية ولكنها ليس عقيدة أو حتى طقس دينى .
فعادة المصريين القدماء ربط المواسم والشعائر الدينية بالاحتفالات والمأكولات ليس إلا .
وكل غطاس وأنتم بخير .

أنا بأشكركم جدا علي فتح هذا الموضوع واسمحوا لي اني اشارك برأيي
زي ما اخواتي ذكروا قبل كدة ان موضوع الأكل وما شابه ده موضوع عادات قديمة يمكن يصل منها للقرون الأولي للمسيحية ، لأن المصريين اللي هم كلهم كانوا مسيحيين في القرون الأولي كانوا بيحبوا يربطوا الايمان والعقيدة لرموز قدامهم يعيشوها وعادات دايما تفكرهم بايمانهم ، ودي في حد ذاتها من وجهة نظري انها حاجة حلوة جدا لما تبقي في حياتنا
وبالنسبة لموضوع القصب والقلقاس اني بأميل لفكرة ان فعلا القصب والقلقاس وبالذات القصب لازم علشان يتزرعوا لازم يكونوا غارقنين في المية في الأرض زي معموديتنا الأرثوذكسية بالتغطيس ، وأعتقد لوحد معانا في المنتدي دارس زراعة ممكن يفيدنا في الموضوع ده
وشكرا مرة ثانية علي الموضوع الجميل ده