الطريق الضيق

كان في بنت البنت دي باباها راجل علي اد حاله (غفير) بس راجل يعرف ربنا وقلبه عمران بحبه لكن مامتها كانت ست ماشية في طريق الشيطان ومنه بقيت غنية ومعاها فلوس كتير وتعرف ناس مهمة.
المهم باباها مات وفضلوا يلمولوا في تمن الكفن يومين علشان يدفنوه وبعدها ماماتها كمان ماتت لكن اتعملها احسن جنازة وناس من اهم الناس فى البلد حضرتها .
فالبنت فكرت تختار انهي طريق طريق باباها والمسيح + التعب +
ولا طريق ماماتها والشيطان + الراحة والفلوس +
وقررت واختارت الطريق السهل ونامت وهي مكررة انها هتمشي فى الطريق ده وهي نايمة حلمت ان ملاك نزل من السما واخدها او بمعني اصح طارت معاه وراحت عالسما،
وهناك لقيت قصور كريستال وحاجات فمنتهي الجمال ولقيت قصر طالع منه ريحة بخور تحفة وموسيقي تجنن وشافت باباها فالقصر ده،
قالها انا هنا مع المسيح وياريت تبقي معايا وتمشي فطريقي فرحت اوي و اتمنت انها تمشي فطريق ابوها ،
وبعدها اخدها الملاك وقالها تعالي اوريلك ماماتك فين راحت لمكان ضلمة وفي بير طالع منه نار وبير طالع منه دود وبرميل يترفع وكل ماينزل تسمع حد بقول اه وسمعت صوت امها بتقولها متمشيش فطريقي و طلعيني ساعديني،
قالتلها يا امي النار حامية ومش طيلاكي حتي شوفي وبتمد ايدها ليها صحت من النوم ولقيت صوابعها الاربعة محروقين قامت جري علي ابونا و باعت اللي وراها واللي ادامها وراحت عالدير البنت دي صوابعها لحد النهاردة محروقة.

أعطينا يارب حكمة وتدبير الهى من عندك حتى نسلك في الطريق الضيق